“Apurtu arte” esaten denean, normalean, ez da pentsatzen 100 urte iraungo duenik. Egun gutxi batzuk izaten dira bakarrik, hilabeteak akaso. Horrela da. Agian, Apurtuarte bera izena izatekotan bakarrik bete daiteke esaldia: Apurtuarte Futbol Taldeak 100 bete dituelako. Maiatzaren 23an osatuko dute urteurreneko ospakizun handia, egun osoko egitarauarekin, Arteaga futbol zelaian.

Olarreta pilota elkarteak jakinarazi du Larrabetzuko frontoiak hartuko dituela barikuan, maiatzak 1, GRABNI txapelketako gomazko paleta modalitateko finalak. Goizean jokatuko dituzte emakumezkoen finalak eta arratsaldean gizonezkoenak.