Lezamako Pelota Klubak beste urte batez antolatuko du eskupilotako txapelketarik entzutetsu eta garrantzitsuenetako bat, Juan Mari Dañobeitiaren omenezkoa. Barikuan, azaroak 6, 19:00etan hasiko dute lehiaketa, guztira 32 bikoterekin, maila bakoitzeko 16. Martxora arte, barikuro bi partida jokatuko dituzte frontoian, gazteen bat eta nagusien beste bat.

Derioko Udalak eta Gela Pedagogikoak Pello Bilbao, Imanol Arriortua eta Mikel Aristi txirrindulariei omenaldia egingo die barikuan, urriak 16, 19:15ean, Kultur Birikan. Txirrindularien ibilbidea, ahalegina eta lorpenak aitortzeko ekitaldia izango dela azaldu dute. Bilbaok erretiroa hartu berri du 16 urteko ibilbidearen ostean. Arriortua eta Aristi, ordea, Munduko txapeldun izendatu ziren irailean.