Atzo, martxoak 24, Txakolinaren Eguna ospatu zen Larrabetzun, eta plazan hainbat lagun batu ziren Txorierriko txakolin-egileen ardoak gozatzera: Sasikoetxe eta Gorka Izagirre (Larrabetzu); Garkalde, Erdikoetxe eta Basalbeiti (Lezama); eta Magalarte Zamudio. Gainera, baserriko produktuak eta artisau-produktuak ere ipini ziren salgai. Jakinarazitakoaren arabera, 1.025 kopa inguru saldu ziren eta salmentaren bidez batutako diruaren zati bat Gaztelumendi herriko abesbatzari emango diote; beste zatia Zaporeak elkartearentzat izango da.

Origanum vulgare. Ezkaia, menda eta izpilikua bezala, oreganoa lamiazeen familiakoa da (lehen ezpaindunak esaten zitzaien). Iberiar penintsulan hiru espezie sendagarri topatu daitezke: oregano konpaktua (origanum compactum), ore- gano arrunta (origanum vulgare) eta oregano maiorana (origanum majorana). Oreganoa uztailetik irailera bitartean loratzen da, eta hostoak eta loreak eguraldi lehorra dagoenean hartu behar dira; horretarako, ia landare osoa moztu behar da, baina zurtoinaren zati bat utzi behar da, kimatu dadin. Sikatzeko, sortak egingo ditugu, eta leku fresko eta sikuetan, itzalpean, zintzilikatu. Sikatu direnean, beirazko ontzietan sartuko ditugu.