Lezamako Gailur mendi-taldeak eskatuta eta Mendiko Federazioak eta Larrabetzuko Udalak baimenduta, 2021ean buzoia ipini zuten Gaztelumendi mendian. Hala ere, Arroeta Zamudioko mendi-taldeak jakinarazi duenez, 2024ko otsailean baten batek buzoia kendu, eta eraman zuen. Lezamako mendi-taldea desagertu da, eta horregatik, Arroetak hartu du buzoia berriro ipintzeko ardura. Buzoiari Nitugu ipini diote izena, eta joan den asteko astelehenean, urriak 21, jarri zuten. Zapatuan, hilak 26, martxa egin zen Zamudiotik Larrabetzura, buzoia inauguratzeko.

Loiuko farmazia zaharra da Txoribikers motorzaleen taldearen egoitza duela zortzi urtetik hona, eta zapatuan, urriak 21, haren urteurrena ospatuko dute. Ospakizun-jaia arratsaldean egingo dute egoitza bertan, Zabaloetxen, eta giro ederra egoteaz gainera, The Cowboy musikariaren kontzertua gozatzeko aukera egongo da 20:30etik aurrera.